Save Girl - Save World

Aaj man fir udaas he, na jane man me kya kuchh khyaal he.

Dhundti hu me kitne jawab aas-pas, man m aaj fir kyo itne sawal he.

Me kali thi ma ke pet me aur aksar sochti thi,

hogi pyar se bhari khubsurat duniya bhar.

Jab is duniya me aungi pankh pasar udd jaungi.

Chhu lungi aasman ko aur apna naam banaugi.

Achanak ek din ek aawaj suni,

jo beti hui to hamesha jhukna hoga khusi me bhi rona hoga.

Tab man me socha koy aisa kaha gaya kyo aisa socha gaya.

Kya beti hona paap he agar nhi, to fir kyo janm se hi pakshpaat he.

Jab umar khelne padne ki aayi to kyo duniya ki najro me aayi.

Har kahi har bar kyo shoshan hota raha sab kuch jan ke bhi samaj kyo dekhta raha.

Mujhme bhi khwahishe thi, bhawnaye thi, samman tha.

Fir kyo samaj apni ichhaon pe tolta raha.

Kahi devi aur maa banan ke puja gaya, Or kahi meri aabru ko pero tale rondha gaya.

Kahi dharm aur riti riwaj per bali chadi or kahi samaj ke naam pe mera gala ghota gaya..


Written By- Deepika Solanki