Kaun Ho Tum

Kaun Ho Tum Jo Bhor Ki Pahli Kiran Ke Sath,

Meri Band Palko Ko Hole Se Chum Jate Ho...

Mere Pavo Ke Taluo Ko Hatho Se Gudgudate Ho,

Mere Kapalo Ko Apne Hontho Se Chum Jate  Ho...

Mast Pawan Se Jhum Jate Ho..

Mandir Ki Ghantiyo Ki Tarah Tuntuna Kar,

Bhor Hone Ki Pyari Si Khabar De Jaate Ho...

Khushboo Se Mahkate Ho Meri Saanso Me,

Meri Dhadkan Me Har Roj Tum Dhadkate Ho...

Dhoop Ke Saaye Jab Mere Jism Ko Jalate He,

Badli Ban Rimjhim Se Baras Jate Ho...

Ho Jati Hu Kaid Apne Hi Khayalo Me,

Raat Ke Andhere Me Joognu Se Chamak Jate Ho...

Kabhi Saath Nibhaate Ho Pati Ki Tarah,

Aur Kabhi Premi Se Ruth Jate Ho...

Kuchh To Batao Kaun Ho Tum,

Jo Har Waqt Mujhe Satate Ho...

Written By: Deepika Solanki